• !
assamer

أربــع سـنين

 0  0  34467
قصيدة بمناسبة ذكرى البيعة الرابعة لمقام مولاي خادم الحرمين الشريفين الملك سلمان بن عبدالعزيز وولي عهده الأمين الأمير محمد بن سلمان حفظه الله

أربع سنين ٍ كنها ومض براق=من سرعها خطر ٍ بعد تخطف الشوف
عنوانها سلمان تكتب بالآفاق=ممن عموم الشعب من سلطة الخوف
ضاق الفضا وحجاج سلمان ما ضاق=يندي مكارم مجد عرف ٍ ومعروف
امعلم ٍ شعبه على حسن الأخلاق=ومكارم احجاجه بها المد مردوف
ما خبر أبد مثله للامجاد يشتاق=إلا معزي رسم غايات وشفوف
أبو فهد إلى نشف جم الأرياق=وكل ٍ تبرا قال مانيب مكلوف
مجد العروبه ما يخليه ينراق=ومجد العقيده دونه ارجال وسيوف
يفيق به قلب ٍ من الغدر ما فاق=وتركد به قلوب ٍ ملا خوفها الجوف
مواقفه تملا بها بيض الأوراق=يقيد بها مطلوق ويفك موقوف
على الحكم غيره من الخلق ما لاق=يمسح حروف الوهم وينقط حروف
محمد ولي العهد للمجد سباق=نجح بوقت ٍ كله أحداث وظروف
بينه وبين الهيّنه بعد وفراق=فكره على تطوير الاحداث مالوف


ابنك المخلص عبدالعـــزيز بن ســعود بن محـــمد

image
بواسطة : assamer
التعليقات ( 0 )
أكثر
جميع الأوقات بتوقيت جرينتش +3 ساعات. الوقت الآن هو 05:35 مساءً الأحد 6 رمضان 1442.