• ×

السامر وباني البقمي

assamer

السامر وباني البقمي

assamer

 0  0  1116783


الأمير/ عبد العزيز بن سعود بن محمد آل سعود ـ السامر




سلمان مجد الرياض وعيـد سكانـه = مدري من الأول بعيده مـن الثانـي
الثابت ان الرياض اسمـه وعنوانـه = في صفحة المجد مختومه بسلمانـي
للديـن والعلـم فتّـح كـل بيبـانـه = خلاه درة مدن فـي كـل الأحيانـي
وسع مجالـه علـى كيفـه وميدانـه = وأصبح رياض الموحد عز الأوطاني
في جوهره بالتطـور شكّـل الوانـه = بيـان للعالـم بـأسـره وتبيـانـي
ومن كل عابث يريد الشر به صانـه = وقبله معزي حماه برمـح وسنانـي
وصفّاه من عالم ٍ بـه مالهـم خانـه = نجد الوطن بيت قاص العُرب والداني
لولاه ما يامن الراعي علـى ضانـه = الشاهد الله وخلقه هـاك الأزمانـي
أمن ٍ نعم به مجير ٍ جـار جيرانـه = وحجو لبيت الله وطافـو بالأركانـي
جاها وهي من فساد الناس خربانـه = طهّر ثراها بحـد السيـف شامانـي
واليوم سلمان طوّر نجـد مـا هانـه = حقايق ٍ شافهـا المبصـر بالأعيانـي
بالحب له شف قلوب الشعب مليانـه = لو ان حبه ظمـا لامـوت ظميانـي




مجارات الشاعر النقيب باني عبدالله بن هويل البقمي
من الطائف




السامر اللي نظم للمجد قيفانه =في وصف سلمان صوّر عذب الألحاني
غاص البحر وانتقى درَّه ومرجانه =جواهرٍ ما تباع بغال الأثماني
وأبدع بتوصيف ساس الطيب وأركانه =ضرغام نجد المعرّب طير حوراني
أبو فهد يشهد التاريخ باحسانه =أبو اليتامى ومن ضامته الازماني
شيخٍ زرع للوطن ورده وريحانه =جوده كما الغيث لا من هل هتاني
خلى الرياض البهيه تشبه الدانه =ثم صانها عن عبث غادر وشيطاني
يتبع طريق الهدى والحق وأعوانه =بدرٍ ظهر في سمانا للعلا باني
يصمد بوجه الخطوب بقوة إيمانه =مثل الجبل ما تغيَّر وين ما كاني
أخذ من صفات أبوه وصفوة أخوانه =العزم والحزم والنخوه والإحساني
عينه على امن البلد والشعب سهرانه =وقبضة يمينه لحكم العدل ميزاني
والله يخلي لنجد العز سلمانه =وتعيش يالشاعر اللي تجلى الاحزاني



زيادة حجم الخطزيادة حجم الخط مسحمسح إنقاص حجم الخطإنقاص حجم الخط
طباعة
حفظ باسم

التعليقات

التعليقات ( 0 )

التعليقات ( 0 )

جديد القصائد

القوالب التكميلية للمقالات

عن السامر

image

عبر البريد الإلكترونى : assamer@info.com
جميع الأوقات بتوقيت جرينتش +3 ساعات. الوقت الآن هو 08:15 مساءً الأحد 12 رمضان 1439 / 27 مايو 2018.