• ×

السامر و ياسرالتويجري

assamer

السامر و ياسرالتويجري

assamer

 0  2  1122376


الشاعر ياسر التويجري


ذكرتني يا وجه نجد وعلاويه =بيتٍ كتبته فالليال الخوالي
واليوم قلبي فوق قبة مراكيه =الشكوى لله لكعته الليالي
ومن لاتكى من قبل رجليه بيديه =والله ما يرقى على ايات عالي




رد الســـامر على الشاعر ياسر التويجري



أول زمانك ما يجي مثل تاليه =شرع الليالي بين مر ٍ وحالي
لا شفت منهو باين ٍ الخلل فيه =خله يروح وقاطعه لا تبالي
لا تلحق اللي ما يودك مشاريه =وثق حزامك في مقاضيب غالي




الشاعر ياسر التويجري



العشق عدٍ كدر الحظ صافيه =وحلفت ما تنتل دلوه حبالي
واللي يقفي ما تتبع خطاويه =شم الأنوف تعيبني والرجالي
والمقبل اللي حطني من هقاويه =يقدع مسافيطي ويشرب دلالي





رد الســـامر على الشاعر ياسر التويجري



خل شراني طول الايام شاريه =تطيب من طيبه على الطول حالي
الحب جرح ٍ ما تبين سطاويه =إلا بقلبٍ من هوى العام خالي
ما طاح شفي دون شين وانا ابيه =وفقه من العالي عزيز الجلالي



الشاعر ياسر التويجري



تستاهل اللي ماله أحدٍ يحاليه=اللي لعب بأهل العقول الثقالي
شاعر وأبوك سعود وأوضاعك أوكيه=ولا حسدتك شي يا راس مالي
الجرح ما هو جرح قلبي واداويه =الجرح لا قصّرت باللي عنالي





رد الســـامر على الشاعر ياسر التويجري



بحر الغلا لك في فؤادي موانيه =يرسى بها وصلك على كل حالي
ما غير أدلل شوق وصلك وراعيه =عليك منك وفيك كثر اشتغالي
أفخم مساكن مهجتي ساكن ٍ فيه =شيّخت نفسك بالوفاء والدلالي




الشاعر ياسر التويجري



الطيب بالطيب يقنّّه ويقنيه =وخذني أنا على سبيل المثالي
طيبك فعل بي شي ماقدر أجازيه =حسبي على طيبك وويلي لحالي




رد الســـامر على الشاعر ياسر التويجري



الشرع ما يعرض على غير قاضيه =ودعوى بلا حجه سرابٍ يلالي
الطيب يظهر لو على الناس تخفيه =أردها من واحدٍ ردهالي

زيادة حجم الخطزيادة حجم الخط مسحمسح إنقاص حجم الخطإنقاص حجم الخط
طباعة
حفظ باسم

التعليقات

التعليقات ( 0 )

التعليقات ( 0 )

جديد القصائد

القوالب التكميلية للمقالات

عن السامر

image

عبر البريد الإلكترونى : assamer@info.com
جميع الأوقات بتوقيت جرينتش +3 ساعات. الوقت الآن هو 02:25 مساءً الأربعاء 4 ذو الحجة 1439 / 15 أغسطس 2018.