• ×

السامر و الأمير عبدالمجيد بن سعود

assamer

السامر و الأمير عبدالمجيد بن سعود

assamer

 1  0  1139059




ما عاد منها شيء شفنا وعفنا =أكثر كلام الناس فيه التفاته
يمكن على بعض السوالف وقفنا =والوقت بدل سيته بحسناته
اليوم عن بعض العلوم انحرفنا= وقضى كلامٍ بين وده وهاته
وبان الطريق وتونا ما انتصفنا= ونشف اللسان اللي طليق بلهاته
نوفي ونستافي ولو ما حلفنا =والمتهم ملزوم يثبت براته
أمِنْ الحيا وأمِنْ المجامل تلفنا =صراحة الرجال وإلا سكاته
الفعل يبقى والتصانيف تفنا= اتبع طريق أبوي واحفظ وصاته
حنا وجحاد الجميل اختلفنا =ما نيب من يلحق عدوه عباته
وحنا على كل السراير كشفنا= والرجل عينه قال الأول مراته
وحنا فهمنا كل شيء وعرفنا= بعض العرب وش ينبغى في حياته
وحنا ربيع اللي يعيش بطرفنا= وحنا سعد عينه وحنا غناته
نحفظ كرامتنا ونحفظ شرفنا =ومن يعترف بالحق من حسن ذاته

السامر




شفنا وعفنا واحتمينا شرفنا=حنا شموخ طويق حنا سكاته
موروثنا حلفٍ ولو ما حلفنا=يحرم علينا تركته من غلاته
نبني لاهلنا ما عطونا سلفنا=صرحٍ عظيم وغل وصفه عداته
نفزع لمن يحتاج هذا خلفنا=ما نلحق المحتاج زيف وشماته
من وصف ابو راشد نقول ووصفنا=إلى عطا مره سلبنا حلاته
الأمير عبدالمجيد بن سعود بن محمد آل سعود
زيادة حجم الخطزيادة حجم الخط مسحمسح إنقاص حجم الخطإنقاص حجم الخط
طباعة
حفظ باسم

التعليقات

التعليقات ( 1 )

الترتيب بـ
الأحدث
الأقدم
الملائم
  • #1
    بواسطة :ابوعبدالله
    1434-06-07 06:46 مساءً
    صح لسان السامر وصح لسان الامير عبدالمجيد ، ابناء والدنا الكبير رمز الكرم والعطاء الامير سعود حفظه الله من كل مكروه .
التعليقات ( 1 )

الترتيب بـ
الأحدث
الأقدم
الملائم
  • #1
    بواسطة :ابوعبدالله
    1434-06-07 06:46 مساءً
    صح لسان السامر وصح لسان الامير عبدالمجيد ، ابناء والدنا الكبير رمز الكرم والعطاء الامير سعود حفظه الله من كل مكروه .

جديد القصائد

القوالب التكميلية للمقالات

عن السامر

image

عبر البريد الإلكترونى : assamer@info.com
جميع الأوقات بتوقيت جرينتش +3 ساعات. الوقت الآن هو 02:25 مساءً الأربعاء 4 ذو الحجة 1439 / 15 أغسطس 2018.