• ×

(السامر) و (غياهيب)

assamer

(السامر) و (غياهيب)

assamer

 0  0  11127159


هاجــــــس الشــــــــعـــــر
قصيدة موجهه إلى سمو الأمير عبدالعزيز بن سعود بن محمد آل سعود (السامر)
من الشيخه فاطمه بنت راشد بن سعيد آل مكتوم (غياهيب)


هاجس الشعر يجبر صاحبه نظم جيل=خص كانه تهيا فيه شف ومجال
ودي اقطف من البستان زهرٍ جميل=يوم حان المجال ويوم حان السؤال
وجهتي صوب شاعر ينطق السلسبيل=الأمير المعرّب من عمامِ وخال
ما تجيب الشوارد منه غير الجزيل=صيدته دوم جزله ما يصيد الهزال
مثل وادي إذا ماجادغيثه يسيل=وقو دفعه يجي ع قد علو الجبال
طاري الطيب يذكر جيل من بعد جيل=وانته شخصك يساوي عندنا راس مال
وللكحيله من الفرسان فارس أصيل=يعجبك ضرب سيفه في زحام النزال
اترك اللي حياته بين قايل وقيل=واتبع اللي بفعله كل ما قال طال
للدروب البعيده شد م السحم حيل=وسط حر القوايل ما تدّور ظلال
سمحة الوجه مع غارب وعنقٍ طويل=ما ظمت بس فيها م الجوازي خصال
كل ما طال صبري قلت صبرٍ جميل=اصبري يا كتوفٍ ترتكي للثقال
كل جرحٍ وله وقتٍ بطبه كفيل=وكل وقتٍ تخصه دولةٍ مع رجال
ما تحمّل المذله غير نفس الذليل=والنفوس العزيزه تنفرد بالخصال
أتّكل في حياتي عالكريم الوكيل=وكل شيٍ سواه نهايته للزوال
جرّب الوقت قلبي ثم خذ له دليل=بأن الإنسان أفضل ميزته الاعتدال
وكل شيِ برايك فيه تقدر تميل=بس باللي توده ما تحب الجدال
طلعة البر تشفي كل قلبٍ عليل=آتلذذ بجوّه يوم عندي مجال
واجمع الخيط الأصفر مع مباهير هيل=وأغنم بفك صوعي عقب فوح الدلال
في مكانٍ فسيحٍ عصر عقب المقيل=ما مشى في قفاره غير ظبي وغزال
ريت في الشعر سحر وصار عندي عميل=كلما زاد حده أحكمه بابتهال


زرع الــــــــــروح
رد الأمير عبدالعزيز بن سعود بن محمد آل سعود (السامر)
للشيخه فاطمه بنت راشد بن سعيد آل مكتوم (غياهيب) على قصيدة هاجس الشعر


فذ شرد القوافي ما وفا لي بكيل=في مقامٍ كبير ودّنا بالكمال
اشرف الشعر شعرٍ في مقامٍ مهيل=يزعج الصوت يمي فوق روس الطوال
طار له طير شعري واستثار الجفيل=وامطر الوادي اللي بالمباهيل سال
مستحيل ان رد القافيه مستحيل=الله اللي خلقنا ما علينا محال
همةٍ بالمعالي ما تحط وتشيل=الله اللي موفقنا عزيز الجلال
بالوفاء يا غياهيب الهدف لك نبيل=ما علينا من اللي في دبرهم وبال
نرقب المرقب اللي عسر ماله سبيل=ونستحل المواقع ثم تصبح حلال
تالب الوجد مجدٍ فيه ما أرضى بديل=وادري انه على غيري عسير المنال
رام غاية مرامي مجد ماله مثيل=وصار فالي وانا له طول الايام فال
شدني له مقامه قبل قربه خليل=والوفا والكرامه في كرام السبال
دلني بالدلال وهاجسي مستخيل=وفي ثرى نجد كله هل راس الهلال
ما يطفي فؤادٍ من غرامه غليل=غير والله بعيني شوف هاك القبال
من يزاعم بزينه نور عيني هبيل=ان تساوو فرق فرق الضحى بالجمال
والله اني رهين عيون رمشٍ ظليل=كاملٍ بالوفاء والحسن في كل حال
من جمال الخلايق فيه كل الحصيل=ما بقى شي للي يدّعون الكمال
غيرنا في المحبه ما يذبل ذبيل=ونفهم ان الجزاله بالوفا للجزال
كل وصفٍ أشوفه في حبيبي قليل=تاخذ الحور من زينه بقايا النفال
خف دم ورزانة راس عقلٍ ثقيل=ما تلاقي بزرع الروح أبد ما يقال
جعل يفدى حبيبي ناسعات الجديل=اشرق الشف يمه والمساكن شمال
أذكر الله وأهلل بالختام تهليل=في حياتي لغير الله ما أصغيت بال

image

image
زيادة حجم الخطزيادة حجم الخط مسحمسح إنقاص حجم الخطإنقاص حجم الخط
طباعة
حفظ باسم

التعليقات

التعليقات ( 0 )

التعليقات ( 0 )

جديد القصائد

القوالب التكميلية للمقالات

عن السامر

image

عبر البريد الإلكترونى : assamer@info.com
جميع الأوقات بتوقيت جرينتش +3 ساعات. الوقت الآن هو 03:31 صباحًا الأربعاء 8 صفر 1440 / 17 أكتوبر 2018.